Wednesday, November 28, 2018

მუზა

შენა ხარ ჩემი გალა და ფრიდა
ისინი იყვნენ მუზების ღერძი
მიყვარს ჩხუბისას თავს რომ გიხრი და
ჩემში არსებულ სიჩუმეს ებრძვი
ის იყო კალო-რივერა, დალი
მსგავსი ქალების მთელი რიგია
ვერ ამიხსნია ვისია ბრალი
რომ ჩემი გვარი ვერ მოგირგია.
მიუხედავად ამის ნათელო
გული მაძალებს ვწერო შენს თმებზე
შენ მომანდომე ერთად გავთელოთ
გაზაფხულობით ბალახი მთებზე
შენა ხარ ჩემი გალა და ფრიდა
ისინი იყვნენ ღმერთების მუზა
ვიცოდი დრო რომ სწრაფად მიქრის და
შენში ჩავუშვი მე ჩემი ღუზა.
27.11.2018.